2000 digitale bezoekers voor Grunneger Dainst met Klaas Spekken in Amsterdam

Veertiende Grunneger Dainst in Olle Lutherse Kerke, thema 'Bist nuigd - Je bent uitgenodigd'. V.l.n.r.: Simon Drost, Pia Wolthuis, Jaap Beukema, Sienke Wolters, dominee Harry Donga en Marius Gort. Foto Sandra Haverman

‘Stoede smokt beder as joe hom dailen’. Impressie van de Grunneger Dainst ‘Bist nuigd’ ien ‘d Olle Lutherse Kerke ien Amsterdam op 25 oktober 2020.

Nou luu dij nait keken het noar oetzenden van dizze Grunneger dainst het n bult mist*. Om reden van coronoa was dizze raais haildaal anners aans veurgoande joaren. Dus gain bezuikers ien ‘d Olle Lutherse aan t Spui. Mor kiekers en luusteroars können via internet toch noar kerke. En virtueel was kerke mit meer dan twijdoezend digitoale bezuikers oareg vol.

Joazeker vattiende keer alweer! Woarvan aaid sproake is, was ook non: sfeer was dik ien order.

Improvesoatie van t Grunnens laid

Wie hemmen genoten van zang van Klaas Spekken en zien vaste begelaaider gitarist Joost van der Beek. Christiaan de Vries kon zien haart ophoalen, want hai brocht zien insterment tau klinken noa de recentelieke resteroatie doarvan! Doarom ook was der hom ook een kort concert taulangd. En dat kin ik joe zeggen: dij klonk aans een klok!

Eerst speulde hai een mooi rusteg stuk van grootmeester Johan Sebastioan Bach en aanslutend een prachtege improvesoatie van t Grunnens laid. Aaid wait hai ons zuver mit te nemen ien en mit zien spel aans aaldeegs een slim kundeg musicus/ôrgelist.

Gevuilvolle laider

Domie Harry Donga was ook nuver op dreef mit onnerwaarp ‘bist nuigd’. Dat dee hai aansprekelk oet douken ien zien preek. En het veur, dizze gelegenhaid drijkoppeg, koor sloot doar hail mooi op aan mit heur laider.

Kloas het een poar haile mooie gevuilvolle laider zongen dij ook wat heur inhold aanbelangt mooi aansluten deden mit tematiek van preek: versoag nait, hol joe vaast aan belofte van ons Laivenheer, Hai nuigt ons, duch denk om wat Hai zegt het, onnerhol zien geboden, hol kanner vaast en geef mekoar steun, den kenje bliede deur t leeven goan!

Dizze tied

Ons gastheer Hanne Wilzing dee der een mooi gedicht van aigen hand tou. De titel doarvan is: ‘Dizze tied’. Zulf droug hai dat veur.

Noadat domie zegen oetspreken dee, het ons gastheer Hanne Wilzing, mit nog wat mitdailens ons oetgelaide doan. En zeker woar; dainst wer ook dis keer noatuurlek oafsloten mit t Grunnens Laid. Drij kepletten van t volkslaid, zongen deur Kloas Spekken.

Ain van de mitdailens van Hanne was een hail belangrieke, noamelk: schrief aalvast mor ien joen agendoa: aankomend joar is Grunneger Dainst op 24 oktober op zulfde stee ien Mokom.

Op www.diaconie.com is van alles te vinden over de dainst.

menu