Hier kom ik weg: Jaorig Jan Kruis Museum giet mondkappies verkopen

De rubriek Hier kom ik weg giet over Drenthe, heur inwoners en heur verhalen. Illustratie: Dagblad van het Noorden

De rubriek Hier kom ik weg is een samenwarking met het Huus van de Taol en giet over Drenthe, heur inwoners en heur verhalen. Leontine Kruis (60) viert het ienjaorig bestaon van het Jan Kruis Museum dit weekend in stilte, want het ‘vrolijke museum’ in Örvelt is nog even dicht. Wal kek ze terug op een mooi jaor met hiel veul positieve reacties.

,,We wilden de rode MG van mijn vader, het bekende autootje uit de strip Jan, Jans en de kinderen, laten opknappen en bij het museum neerzetten.” Leontine Kruis har met de aandere bestuursleden van het museum mooie plannen maakt veur dit weekend. ,,Maar helaas, het is nu niet anders. We zitten allemaal in hetzelfde schuitje.”

Veurig jaor gungen nao een jaorenlange zuuktocht naor een geschikte plek de museumdeuren lös. Dat de bekende tiekenaor het zölf niet meer hef kunnen metmaken, spet zien dochter nog aaltied. ,,Het was zijn wens dat het museum in Drenthe zou komen. Orvelte stond bovenaan zijn lijstje, dus het had niet beter gekund.”

loading

Boetenman

Heur pap, geboren en opgruid in Rotterdam, was verknocht an Drenthe. Veur het gezin Kruis in 1976 vanoet de havenstad hen Maanting verhoesde, gung het al geregeld hier met vekaansie. Kruis umschref heur pap as een echte boetenman.

Veur heur, as 16-jaorig wichie dat net begunde met oetgaon en vriendties kreeg, kun de overgang van de grote stad hen Drenthe niet groter wezen. ,,Mijn zusje en ik zijn naar Drenthe gelokt door onze ouders. Ik kreeg een paard als we gingen verhuizen en mijn zusje werd een pony beloofd. Toen waren we om.”

Gien dag spiet hef ze had, zeg ze lachend, en Drèents verstaon giet nou ok best. ,,Ik spreek het zelf niet. Dat zou heel gemaakt lijken, want ik kan het echt niet. Mijn vader heeft het ook nooit gedaan. Als je na je 40e hier komt wonen, ga je de taal niet meer overnemen. Dan wordt het nadoen en dat klinkt sneu.”

Meer as Jan, Jans en de kinderen

Kruis kek tevreden terug op het eerste museumjaor. Met roem 36.000 bezukers op de teller, ondanks de sluting van het museum op 13 meert, mag ze niet klagen. ,,Veel mensen komen spontaan langs tijdens een bezoek aan Orvelte, maar er zijn er ook die speciaal voor het museum naar Drenthe komen en hun vakantie eromheen plannen.”

De mieste bezukers bint hiel verrast dat Jan Kruis veul meer tiekend hef dan Jan, Jans en de kinderen. ,,Als mensen hier weggaan, hoor je ze meestal niet eens meer over die strip. We hebben ongelooflijk veel ontroerende en hartverwarmende reacties gehad.”

1 juni

Kruis is nou met het bestuur drok met de veurbereidingen veur de heropening op 1 juni. Ungeveer tien bezukers tegeliekertied kunt dan hen binnen, waor ok de neudige anpassingen daon wordt. In de winkel bint ok mondkappies te koop, die het museum speciaal maken lat, mét Jan Kruis-stripfiguren derop vanzölf. ,,Het is afwachten of bezoekers straks weer naar binnen durven. Tegelijkertijd denk ik: mensen zijn ook wel weer toe aan iets vrolijks.”

menu