Henk Scholte zoekt Gronings woord voor mondkapje; van bekbedekker en goavanmie-òf tot smoelschoetje

Groninger streektaalconsulent Henk Scholte verzamelt op sociale media Groningse woorden voor 'mondkapje'. foto archief dvhn

Het zou zo maar eens hét woord van 2020 kunnen worden: mondkapje, maar hoe zeg je dat in algemeen beschaafd Gronings? Henk Scholte, streektaalconsulent Centrum Groninger taal & cultuur (www.cgtc.nl) zet op een rijtje wat hij op sociale media tegenkwam.

Verschaaiden Grunnegers binnen tiedens dizze intelectuele lockdown hail creatief in de weer west mit t ombenuimen van mondkapjes noar t Grunnegs tou.

Summegen nait aal te fienbesnoard

Der is nou sproake van n haalve gebelschop (een gebelschop is een masker, red.), dij in soorten en moaten de ronde dut. De maisten doarvan wuiren moakt in n soamenstellen mit: bek, mond, snoet(de), smoel en waffel.

Ik mout der vot wel bie zeggen dat summegen nait aal te fienbesnoard binnen, mor t leven is of en tou gewoon wraid en bie zetten roeg en raauw op t dak en dat komt din ook tot utern in dizze bedenksels.

Jiddisch in stadstoal Winschoot goud verankerd

Mit d’aine hebben je din wat meer op as mit d’aander. Wat ook opvuil is dat t woord smoel veuraal uut de omgeven van Winschoot kwam. t Let zuk vanzulf wel roaden dat t jiddisch doar in de stadstoal nog wel goud verankerd is.

Hail voak kwam ik de combi mit n doukje, schoet (schort), slabber(ke), lapke, pisdouk, wiedel (luier) tegen. Aal mit aal is t n verrazzende oogst. En wat de beste omtoalen is dat loat ik hier mor in t midden.

Alerhaande socioale media

De volgende veurstellen kwammen mie d’oflopen weken via alerhaande socioale media in de muit.

Hiervan heb k veur joe n riegeltje veurbeelden onder nkaander zet en as ie der ook nog gounent heurd hebben, loat joe nait nuigen om t aan te vullen: bekbedekker, beklap, goavanmie-òf, holdiedeklap, kwiellapke, monddoukje, mondpuutje, mondslapke, mondslabberke, mondschoet, rocheldoukjem, snoetpisdouk, smoelpude, smoelschoetje, smoelwiedel, snoetschoet, snoetjepole, spijdoukje, sputterkapke, sputterlappie, sputterdoukje, waffeldouk, zwieglappie.





menu